استعرض مصدر ويكي:المعتكف الأول - أكتوبر 2020/تجهيزات لوجستية


==الرسالة اللوجستية==

أهلا بيكم في معتكف ويكي عمران الأول في كونكورد رويال بيتش بمدينة رأس سدر. المخيم مليان بأفكار وحماس طبخناها مع بعض الشهر ال فات لكن لسه محتاجة تستوي على نار هادية. المعسكر هو برنامج إقامة ورحلة صيفية تحررية ولقاء لوضع رؤيتنا وخططنا وأحلامنا ومشاركة لهمومنا وشغفنا. والأهم أننا نخلق روح العمل والتعايش المشترك. ولأن واضح أننا أشخاص بنحب نتورط عامة، زي ما بنتورط  في قضايا بتمسنا وحابين نفضل ننغمس فيها، إحنا شكلنا كدة تورطنا مع بعض خلاص. ولأن أكيد الأفكار والمشاعر والمعرفة ال شاغلة بالنا بدأ يبقى ليها معنى تاني لما شاركنا بيها بعض فيلا نفكر ازاي نشاركها مع ناس غيرنا.

ملحوظة:تكاليف المعسكر (ذهاب ورجوع ومبيت) مغطاة لكن الطعام خارج الميزانية فنرجو المساهمة يوميا من 100-150 أو 500 إجمالي للمعتكف. 

المكان والموقع:

قرية كونكورد رويال بيتش براس سدر إحداثيات:

N 29.5405609 

E 32.7264221

مدة المعسكر: السفر من ٧ اكتوبر (٨:٠٠ صباحا من المعادي- ميدان مصطفي كامل) - حتي يوم السبت ١٠ اكتوبر (التحرك ٣:٣٠ العصر)


برنامج المخيم حتى الآن: هنا


أدوار حتى الأن

تيسير عام: كريم وزعزع و(غربية وميسرة؟)  + أمنية تيسير أول يوم 

توثيق: حجازي وأمنية ومروة نصي على الويكي - ريم توثيق صورة

المطبخ: كريم وزعزع ورنوة ومروة وروان

مشاوير: صلاح وعبد الرحمن؟

تنظيف: كل الناس (كل حد مسئول عن مكانه - ومكان الاجتماع علي الكل في ساعتها) وهنعمل جدول دوار أول يوم

 

الإقامة:

هنؤمن الإقامة خلال فترة المعتكف من 7 إلى 10 أكتوبر 2020 وتأمين المستلزمات التالية 
*سراير/مراتب للنوم وتوابعها (ما عدا الملايات )
*صابون للغسيل وورق تواليت
*هنبات في غرف مشتركة (2 إلى 3 بحد أقصى).

الإقامة متاحة طبقا للتوزيع التالي:
* فيلا رئيسية مفتوحة للاجتماعات والطبيخ والأفلام والسهر. ويوجد بها غرفة لتسكين 3 أشخاص وغرفة بسريرين .
* شاليه به غرفتين نوم وصالة: غرفة بسرير مزدوج وغرفة بها مرتبتين على الأرض وفي الصالة يوجد 2 سرير إضافيين.
*شاليه بيه غرفتين (يفضل أن يبيت بها إناث): غرفة بسرير مزدوج وغرفة بها 2 سرير .


ملحوظات عن الإقامة:
*  كل الغرف مكيفة والإنترنت في الفيلا سرعته 70 ميجا (25 فعلية) ومشحون ب250 جيجا. وفيه راوتر متاح للتنقل. 
*بشكل عام إتفقنا إننا نكون مستعدين نفسيا أننا طالعين معسكر وهنساع بعض. ولو حد عنده إعتراض على أي ترتيبات يبعتلي على الخاص أو يكلمني أثناء المعسكر.

مواصلات: الذهاب والرجوع في ميكروباص 14 راكب من المعادي بالإضافة إلى وجود سيارة إضافية. للرجوع قبل النهاية فيه شرق الدلتا وجو باص الحجز قبلها بيوم. 


الطعام:
*الفطار على ٩، والعشا على ٦. وهايبقى فيه فاكهة موجودة على مدار اليوم...
*يوم الأربع ٧ أكتوبر: باربيكيو وريزوتو مشروم وسلطة 
*الفطار هايبقى ثابت:- فول- فطير- بيض- وحبشتكانات (جبن، عسل وطحينة، زبادي، ممكن جرانولا)
*يوم الخميس: - مكرونة بشاميل - مسقعة بالبطاطس - كفتة داوود باشا/فراخ روزيه - سلاطة - طحينة
*يوم الجمعة:سمك وجمبري وحركات
*يوم السبت:- بيتزات متنوعة (خضار، مشروم، مزيج أجبان)
*وهيبقى فيه أكل لمرضى السكر.

محتاجة إيه معاك؟
*معلقة وشوكة وسكينة وطبق وكباية/فلاسك
*متعلقات شخصية
*ملاية وغطى لو أمكن
*شيء للناموس
*مناشف/البشكير/فوطة
*ملابس سباحة
*كريم حماية من الشمس
*عدد 2 - 3 تي شيرت 
*شورتات
*صنادل 
*ملابس داخلية تكفي أربع أيام
*جلاليب لمحبي الرحرحة
*ألات موسيقية وتقنية وكاميرا
*ألعاب
*هارد عليه أفلام وكتب وبيانات وأي حاجة محتاجة
*وسادة إضافية (اختياري)
*السجاير والولاعات (ولاعات كتير لأنها مشاع)
*أدوية أو أي سلعة محتاجينها بشكل دوري
*في مكينة صرافة بنك أهلي وبنك مصر

يحمينا من الكباري والخوازيق،   

سلامات،


==معدات مطلوبة==
#راوتر 3 جي
#مراتب *2
#أكياس نوم
#بروجتكر
#فليبشارت وأدوات مكتبية
#كابل HDMI
#مشتركات


==مشتريات للطبيخ==
*١٥ علبة فول
*٣ كرتونة كبيرة بيض
*٤ علب جبنة بيضا (ماعرفش بقى أنهي صنف)
*١٠ زبادي
*برطمان عسل أبيض
*برطمان عسل إسود
*برطمان طحينة كبير
*مكعبات مرقة خضار ١٢ مكعب
*٣ لتر كريمة طهي
*١ قالب زبدة كبير
*زيت عباد شمس ٢،٥ لتر
*ملح
*فلفل
*كسبرة ناشفة
*بابريكا
*بدرة ثوم
*٤ أكياس مكرونة مقصوصة ريچينا
*٢ كيلو جبنة شيدر، قطعة واحدة
*كيس رز ٥ كيلو الضحى
*٢ برطمان صلصة
*٣ كيلو دقيق بيتزا فايف ستارز (ورقتة حمرا)
*٢ باكيت خميرة فورية
*٣ علب فاصوليا حمرا
*٢ علب ذرة
*٦ علب لبن
*٢ برطمان نسكافية (مش عارف بقى جولد ولا عادي)
*علبة شاي العروسة فتلة 
*٢ كيس سكر
*7 كرتونة مياة كبير
*بيبسي وسفن أي
*7 شنط عيش
*10 كيلو طماطم
*4 كيلو فلفل رومي
*3 كيلو بتنجان
*4 كيلو بطاطس
*16 علبة مشروم
*2 كيلو لحمة مفرومة
*2 فرخة كبار
*3 كيلو صدور فراخ
*2 كيلو كبدة


==مشتريات أخرى==
*5 جهاز للناموس وعلبة أقراص
*أكياس قمامة
*8 ورق تواليت
*8صابون
*كورة فولي

[[تصنيف: معتكفات]]