اتفقنا آخر جلسة أننا نطور خريطة للمحتوى عشان نعرف احنا فين ورايحين فين لأن التوهان بدأ يلعب دوره. وعليه، أنا كنت بلعب في الصفحة الرئيسية،
محتويات الصفحة ال بفكر فيه كالتالي:
١. فهارس: عايز احط روابط بصور أو أيقونات للفهارس، والحقيقة طمعان اني أشتغل على أيقونات لينا بس دا هياخد وقته زائد انه رجعني تاني التفكير في الشعار. فهفتح صفحة كدة في نطاق الويكي لتطوير أفكار عن هويتنا البصرية وفيه كم فكرة متعلقين بمفهوم التطور الجذموري للمعرفة وللمدينة وحاجات من هذا القبيل. وممكن نحط فيه Mockups لأفكارنا عن شكل الصفحات والعناصر البصرية، لحين ما منصور يخلص جلدة أضف وناخدها نطوعها عندنا
٢. كل فترة (3 شهور مثلا) نحط مجموعة من الصفحات (طالع سريعا) يكون فيهم شوية محتوى غني شوية وتم مراجعتها من أكثر من مساهم. بحيث أن ال عايز ياخد فكرة سريعا من غير ما يتوه في الفهارس يقدر يدخل سريعا وتكون الروابط دي في هيئة صور (مثال، صفحة مونوسكوب الرئيسية). ودا يحفزنا كمان أننا نزود صور في صفحاتنا ونفكر في شكلها.
3. صفحات للمشاريع ال شغالين عليها ودي كدة صفحات ما بين المطبخ والمشاع و هتبقى في نطاق الويكي في الاغلب. وهنا فيه نوعين من الصفحات دي،
3.1 أول نوع هو تطوير صفحات المشاريع البحثية بحيث يبقى فيها قارئ يمكن الزائر انه يبص على احنا حاليا بنقرا في ايه وتوجهه للصفحات المختلفة جوا الويكي المتعلقة بتيمات بحثنا أو لموارد أخرى وهكذا. ودي صفحات الشغل عليها تشاركي وفيها تطور تيمات التأليف مفاهيمها.
3.2 صفحات القوائم عشان احنا نرجع لها ونزود في الفهارس وتبقى كدة زي أنتظرونا، بحيث كمان الناس تقدر تتحمس وتبعتلنا حاجات تانية نزودها ونحط فيها بريد إلكتروني يبعتلونا إقتراحاتهم
عندي بقى سؤالين تقنيين منك يا @أحمد.
1. بالنسبة لأيقونات ويكي الجندر، هل دي مسحوبة من قاعدة البيانات على الخادوم فعشان كدة أنا لما جربت أقراهم من ويكي عمران ظهروا؟
2. ما هذا المونوسكوب لوج
| تم النشر بواسطة كريم (إداري) في 8 يونيو 2020 في 17:54. |
|